Ben po sì! E jere propit ore!E jere ore che la Udinese e vincès
E jere ore che mê pari cul mê cartel al les a finîle sul gjornâl
E cun di plui, cuant che a si dîs che a son ladis dutis dretis, il manifest anti-peule di îr al è lât a finîle ancje su "strisse la gnove"
(o strissine la gnove, o striscia la notizia o cemût che a volês clamâle)
A podês fracâ a chi, par viodi il filmât di "strissine il strission" che àn fat viodi usgnot.
E pensâ che chist colp, par jessi scaramantic, no vevi nancje metût sul blog il cartel prin de partide (ancje parcè che no vevi vût timp :)
Ad ogni mût e jere ore ancje di viodi i zuiadôrs che a corin. I trê ponts di îr a son stâts propit une biele sodisfazion!
A ere ore di vê une ricompense, jo o eri zà pront par cjantâ un Dies irae:-). Sperin che chiste partide ju fasi lâ sù di zîrs par tacâ a vinci ogni setemane. Biel il panel di spirit furlan in te sielte dal dî e dal fâ. Il comentatôr de Rai ch'al cride come un çarlatan ch'al vent balons pai fruts al marcjât, al fâs pene. Al sarès ore ch'a si rindedin cont che cul microfono a nol covente sberghelâ.
RispondiElimina