lunedì 22 ottobre 2018

No soi


Jo no soi chest
Che nol sa jessi
                    [adore
Dopo jessi stât
                    [tart
No soi chest
Ma no soi neancje 
Chest altri,
Mi cambiais ogni volte
In miôr o in piês
In plui o in mancul
Cuntune idee di me
Che no je la mê.

Bessôl
In bande
Indaûr.
Chest al è il gno inniò, 
Chi o torni
               [simpri
Cjasâl bandonât
Cjacaronât di favitis
E madracs,
Sglonf di pomis 
E di baraçs

Nessun commento:

Posta un commento