Ti viodei

Ti viodei, 

Biele come un gjat in glesie, 

Il vert dai voi al piturave la muse interie, 

E la maluserie

S'inviave in scjampinele par un troi

Di glerie. 

Di lontan, ti viodei,

Spiçant i miei

Di voi

Par cjarinâti il cûl

E olmant

Invezit un nûl 

Di regjinis e cjastiei

E puescj masse biei

Di li ai zenoi

O viodei.

Ti viodei,

Ridi nete e sclete

E curiose,

No contentâti di spiâ a la man drete

Lis brauris de ledrose

E rose

Odorose framieç

Midisinis ti viodei

Mugnestrâ doprant lis orelis

Pipinis e cjavei.