venerdì 26 febbraio 2010

Comuniscj a Rivignan e Serial Killer a Udin

E je vere, al è un pôc che no us conti ce che o scrîf.
In efiets, o scrf plui par talian, che par furlan, o almancul al è cussì in chescj doi mês dal 2010.
E je ancje vere che o crôt une vore al fat che un scrit, voltât in lenghe diferente dal autôr, al puedi, a seconde, pierdi o vuadagnâ.
O almancul cussì mi capite a mi, che dispès, cuant che o volti par furlan alc di talian mi cjati a cjatâlu ancje plui biel, ancje parcè che o pues permetimi di no jessi aderent ae version iniziâl e cambiâ ce che mi covente come che a mi pâr.
In ogni câs lis trê contis che a podês cjatâ su lis trê Comugnis che si presentin usgnot a Rivignan a son dutis pensadis e scritis par furlan, ancje se a esist ancje la version taliane (che in chescj trê câs e fâs cagâ :).
Poben, dute cheste menade par dîus che se usgnot no vês un caz di fâ e us va di vignî a sintî un pôc di rock acustic di chel bon e cualchi conte, ben, vignît a Rivignan aes 9.
O speri ancje che a sedin lis fotografiis che o cjatàis inte Comungne numar 16 e che o podês viodi une inte locandine in bande.
FIGHISSIMIS!

Dopo, za che o soi, us dîs ancje di un altri apontament di usgnot, ven a stâi la presentazion dal libri "L'ombra del falco" di Pierluigi Porazzi, un furlan di Tarcint che al fâs l'avocat a Udin e che al à publiche par i tipos de Marsilio un noir thriller.
Bon, disarês voaltris, e ce nus interessie?
Us interesse parcè che il libri al è ambientât nuiemancul che a Udin!
Jo lu stoi leint e al è bon, e al va vie che al è un plasê.
Propit îr di sere, par dî, no mi ano copât doi poliziots in vie Brenari, cuissà se il detective, che al passe plui timp ae taverna dell'angelo a bevi che inte cuesture di viâl Vignesie, al rive adore a cjapâ il killer...
Se us interesse il libri, a part comprâlu, o podês ancje vignîa sintî Pierluigi ae librerie Moderna di Udine, ore 18.00
Jo o varès di jessi sedi a Udin sedi a Rivignan.
Bon.
Vonde par vuê. :)

2 commenti:

  1. Nuie. Ni Rivignan ni Udin ma dome Bruxelles e Dusseldorf chest WE.Ae prossime forsit.
    Mandi

    RispondiElimina
  2. da un po di timp il to blog ami samea un poc plui stimolant --non si vive di solo calcio come ca dizin i talians- braf di metti ancje tocs di atis blogs o stories quant a te e al furlanar i seis invitats a la mostre --di carton di luciano lunazzi ala feltrinelli di udin via canciani 15 fin al 30 di march a son ancje operis in marelenghe binvignuts viert ancje la domenie

    RispondiElimina