sabato 11 febbraio 2012

Il cartel par Udinese - Milan

Lâ a viodi la partide, vuê, proviodûts di -2 a  -5 sot zero, cul aiar che al doplee il dut, al è propit di coions. Al somee che al varès parfin di flocâ...
Si starès tant ben cjase, o intun bar...
Eco parcè ca di un pôc... O voi al stadio!
E intant, ve chi il cartel par chel maladet dal Milan, che jo cun ducj i diaui a m'intivi ben, par solit, fûr che cun chel chi, che propit lu sopuarti mâl... e cuasit, us disarai, mi splâs che nol è Ibra, par che al sarà ancje un cingar e un cjâf di glerie, ma a zuiâ a balon, insome, al è simpri un biel viodi. 
E sperìn propit che usgnot, ancje se glaçât, i vedin muardude la code al diaul!

3 commenti:

  1. Geloriferisco, se tu ses in campo ancje tu, ben, la glacje su pai spalts si fasarà aghe e zucar e chel diaul a l'è bielzà copat - al cur no si comande e tu tu ses un calorifero cal pompe, al pompe... vonde bevi, cumò, che dopo o si fasin une birute - e mame e papà un grog.
    Mandi ai Serafins e vive l'Udin/esevincin?! ioioi, ce contentece.

    RispondiElimina
  2. Va ben, anzi no, o vin piardut: fur doi zuadors, e Isla... puar genoli, ma stant al piturà dei toi cartjei, nie di dì, dome che tu ses une vore migliorat: composizion, colors, espression des musis, scarpets, tachets... Ostie! o viot dome cumò che la zebrette e mostre un pit discolz!
    Mandi Raffaele.

    RispondiElimina
    Risposte
    1. e je lade propit mâl
      seben che o vin zuiât un gran balon
      ma va ben
      va ben
      si tirarìn sù... come simpri!

      Elimina