Madrac a motôr

Madrac a motôr

Al rugne in te blave.

Aghe mugnestre.

Une pinelade in sachete

Podopo ti capite di pierdi il tacuin, 

di tirâ fûr la biciclete, 

nol sedi mai che si lu cjate, 

cjalant cence premure, 

e di lâ vie a oris cjaldis, e scuvierzi, 

a cinc minûts di cjase tô, 

che al cui che al cjape gust a taiâ il forment, 

o ce che al è, 

disegnant alc che ti ven voie di tirâ fûr Van Gogh de tombe, 

e dîsi, 

o porcheputane, cumò o ai capît di indulà che tu tiravis fûr i colôr, raze di furbo, 

e ringraciâ la tecnologjie, 

che ti lasse il gust di puartâti cjase i colôrs, 

cjalâju cuant che ti covente, c

ome tignî 

une pinelade in sachete.

Si alcin lis blavis

Si alcin lis blavis,

disparît il cîl dal mont

cirìn il pluvio.

L'ultin strisson dal an, par Udinese - Atalante

Vuê e je la ultime partide.

Fieste, sbandieradôrs, aparechios, rigôrs, e vincj mil di lôr che a varessin di fâ fieste...

Se jo o fos un di chei dal Atalante o pensarès ben dôs voltis prin di provâ a tirâ in puarte... insome, no varàn migo di ruvinânus la fieste?! 

Che po, jo za o ai une vore di pôre dal finâl di campionât, cun nô che o scugnarìn lâ a vinci a Milan e cun chei dal Inter che a varàn voie di sierâ cence fâ une brute figure... insome, intant viodìn di vinci vuê, e in ogni câs, l'Udinese di Guidolin e je un capolavôr!

Par il rest, cumò o cjapi e o scrîf ancje a chei dal Udin, che porcocan, dopo agns a fâi strisson un plui biel di chel altri, una maiute, prin o dopo, podaressin regalâmale ancje a mi!

Si viodin al Stadio, curve nort, setôr N, file 17, numar 735-36-37!

Il strisson par Udinese - Sampdorie

E cussì e je vignude la ore dal penultin cartel dal an. 

Îr di sere, clarementri, la Rome e à vint la partide a Firenze... clâr no? Pues crodi se i lassavin rivâ tierce a la puare Fiorentine... Poben, volarà dî che a tifarìn ducj pe Rome inte finâl di Cope Italie, e no viodìn di vinci cu la Samp, che a nol è nuie facil.

Par cartel o volevi fâ il marinâr de samp cui voi neris, o miôr ancjemò, blucerchiati. 

Ma dopo o varès vût di disegnâ la zebrute che e fâs il pugjil e si sa, za a rompin i coions ogni volte par ce che al è scrit, i carabinîrs, nancje che gno pari al fos un delincuent dai piês. Se i disegnavi la zebre che e cjape a pugns un marinâr va che va che mi lassavin fûr il cartelon.

E alore, jessint che vuê a son lis elezions dal Sindic, o savin ducj cui che al è il vêr Sindic di Udin, ad e cum honorem: ANTONIO... TOTO'... DIIIIIIINAAAAATAAAAALEEEEEEEE!!!

Ploie di stravint

Ploie di stravint

Parfin çus e cisilis

Si bagnin il cûl.

ll strisson par Udinese - Lazio

E cui lu varessie mai dite che o saressin rivâts a vê une "partide dal an"!

Se si vinç, disin pûr che la stagjon e podarès cambiâ...

E alore, ploie o no ploie, ducj a tifâ Udinese!

Il cartel par Udinese - Chievo

Viodìn di vinci, va, e tirìn jù chei mussi volanti a balonadis!

Il cartel par Udinese - Bologne

Vuê al met ploie, a lâ al stadi a sin dome in doi, e dal cartel no jeri nancje masse sigûr, ma jessint che l'ideadôr al è gno pari, par une volte, o ai tignût volintîr chest, ancje parcè che la mê idee no jere granchè (A voaltri trê T, a nô nus bastin dôs: ToTò.)
A ogni mût o larai al Stadio, o cjaparai la ploie, sperant, ma secont me la cumbinin, di vinci la partide. Ancje parcè che al torne Lazzari, che al è l'unica vêr centrocampist che o vin, la difese e je chê uficiâl, e soredut al mancje Diamanti, di chê altre bande, che mi displâs, di no viodi un bielissim zuiadôr, ma par noaltri miôr cussì. :)

Crichin i urtiçons

Crichin i urtiçons.

A fâ il rîs no soi bon,

Mame, jo dut ben.