mercoledì 15 ottobre 2008

I amadôrs dal Sclaunic

Ve chi
I vûl disniçade ancje cheste gnove categorie dal blog: I amadôrs dal Sclaunic.
O mi riferìs, clarementri, a chei che cun me a passin la domenie matine e cualchi sere da la setemane a cori daûr a un balon come cjastrons.
Par cumò l'an al è començât ben, trê partidis e sîs ponts, ma tant nô a vin un alenadôr che a nus dîs di dut instès, ven a stâi che o vin di movi il cûl ancje domenie che a ven, cuintri il Pucinie.

Ta la foto, in pîts a tacâ di çampe, a podês viodi:
Tavano "iovacje" Valeriano (il president!)
Della Vedova "vita sana" Valentino (l'alenadôr plui salutist dal culinâr)
Tavano Matteo (l'unic libâr cul 58 di scarpe)
Serafini Raffaele (che o sarès jo)
Fabiani Simone (un alenament, za infortunât)
Zaupa Alessio (che al crôt di sedi il portîr)
Tavano "çughi" Fulvio (che al crôt di sedi un centrocampist)
Tavano "gaber" Gabriele (Il fradi di chel che al crôt di sedi un centrocampist)
Zaupa "simpri in feries" Luigi (il fradi di chel che al crôt di sedi un puartîr)
Marcuzzi Nicholas (chel altri che crôt di jessi un puartîr)
Turco "sdroghe" Claudio (par cumò, il goleador da ultins vincj minûts)
Tavano Elvis (eh sì, i tavans a son un pôc di masse)
Cogolâts invezit a podês viodi:
Tavano Moris (e dai cui Tavans)
Urbanetti Matteo (un dai pôcs di Sclaunic che a nol è Tavan)
Dri Mauro (l'uniche ponte che rive a no segnâ par un an)
Marangone Ilario (il stopper che prin di dâ e dopo al cîr di cjapati la bale)
Gruer "rompicoions" Andrea (la ponte plui veloce dal medio Friûl, soredut ancje plui dal balon)
Pighin Lorenzo (un sclaunichês acuisît)
Bauto Carlo (l'element plui gnervôs dal culinâr)
Peirolo Emanuele (in gnûf acuist)
Colavitto "Inler" Denis (il dg)

Chei che a mancjavin parcè che di domenie matine non ducj a la petin a tirâsi fûr dal jet, ju metarìn inta la prossime foto.
Fuarce Sclaunic!

3 commenti:

  1. VERAMENTIUNE BIELE CJATADE DUC I RIFERIMENTS AI GIUADORS

    RispondiElimina
  2. jo a soi el stopper... vevi voi di giontà che el plui da las voltes a cjapi nome el balon, lassant inter el giuiador aversari. mandi e ogni ben

    RispondiElimina
  3. Vito! maladet, nancje Sclaunic tu sâs scrivi just! :D
    tifa tifa
    che intanto noi vinciamo
    hai visto che siamo primi, cjastrone (tipica espressione di affetto)
    e saluta mario
    e anche la mugliera!

    RispondiElimina