sabato 10 maggio 2008

La fiction dai gjats

Come ch'a podês imagjinâ, cjase me a je plui o mancul un mieç gjiardin zoologjic.
Cuatri cjans, un numar imprecisat e variabil di gjats, e di pôcs dîs in ca ancje une schirie di poleçs e cunins. zontait ancje chel puar canarin ch'al cjale dut chest e che jo soi une pôc bestie e o nus mancje dome di fâ paiâ il biliet a chei ch'a passin par strade. :)
Ad ogni mût, dut chest preambul, par dî che nus son nassûts un sglavin di gjatuts, parcè lis dôs gjatis, Blancje e Celeste, an pensât ben di parturî insiemit. Cussì cumò a si è creade un comedie ch'a pâr une Telenovela.
Zorro, la gjate blancje e nere cu la mascare intor, a cîr simpri di robâ i piçui cuant che nassin. Par cumò a je rivade a robai un a Celeste, che veve parturît cuatri gjatuts cun tun gjat forest ch'a clamarin "Il Ros". Purtrop il piçûl nol è stât cjatât di nissune bande e a dut vuê al risulte spierdût. Blancje, ancje je sedote e bandonade dal Ros, a fat trê piçui e a cuant che samee, a je rivade a difindiju di Zorro, ma no je rivade a fâ di mancul di fasi robâ un di che altre gjate, Celeste. Cussì lis dôs maris an tacât a robâsi i gjatuts une cun che altre, rivânt ancje a metisi dongje cun siet gjats. Dut chest al è sucedût sot i voi cuiets di Damiano, il vecjo gjat di famee che nol pâr sedisi fat tancj fastidis dai cuars che lis dôs gjatis. (Tant al va dit che lui si tacone Nassyria cence pensâ ai fîs scjampâts (la puarete a je biele e sterpe).
Ven a stai, come ch'a podês viodi da lis fotos, che bisugne cjatâ da lis gnovis fameis par i piçui, issio...

US COVENTIE UN GJATUT???

1 commento:

  1. belli!!! ne prenderei uno, ma dopo l'ultima che mi hanno avvelenato, non mi ci voglio più affezionare, anche se sono uno più bello dell'altro

    RispondiElimina